開估! 計劃影pre-wedding 的地方

之前講開計劃去一個我地都好鐘意o既地方, 就係位於日本o既輕井澤 (Karuizawa)喇!

呢度其實距離東京只有個幾鐘車程, 但同繁榮o既東京已經好唔同.
有日本小瑞士之稱o既輕井澤!! o個度有好多好靚同好有特色的教堂!
加上, 我地兩個實在太鐘意日本喇~~~~~~~ T.T !!

最震撼我地就係.. 石之教堂!! (好有天空之城feel !!)

仲有好多其它景點, 教堂… (相係copy from 日本o既blog 友)

香港都有婚紗攝影公司做海外pre-wedding package, 但係價錢就.. 都幾貴, 包o既相又唔多…!! (而且package 價錢係唔包機票, 酒店)… 加上, 未必每間公司o既攝影我地都鐘意… 所以, 我就努力聯絡緊各界朋友, 包括日本o既朋友喇 ! (要寫好details o既日文email, 又用字典, 又用日語教科書, 翻譯網站幫手, 先至個幾鐘寫到一封.. T.T !!) 嘿嘿~~ 無讀一排, 退步晒!

但收到好開心o既答覆呢! ^o^ ありがとう～嬉しい！！

不過, 今日報紙頭條就係講 H1N1 @ 日本…
希望快d 無事啦!
希望計劃可以順利進行啦!!

香港都係, 大家要注意個人衛生!!
(今日出街見到好多人咳, 但無戴口罩… T.T 怖い)

總之, 凡事小心.. 我唔要"愛在瘟疫蔓延時"呀!!