來喇! 再見 OST 第二版!!

終於, 終於見到佢地喇!
Alan 為舞台劇"再見不再見"o既原聲碟第二版今日送左唻喇!!!
我未來老公o既心血, 梗係撐!!! ^o^ heeeeee hee..

送唻o既時候絕對唔係咁o既樣… 不過, 好壯觀!! i like this pic!

送唻時, 所有野都係分開的.. CD, 封套, 內文, 膠套…

今次比第一版印多左, 所以, 得一日時間, 得我同佢兩對手唔夠呀!!
多左d 我地o既學生唻幫手… 睇相!

阿晞, 嘉駒, 阿sun… 仲有個…. e? 多左個人? 佢唔係我學生! 係Patrick 呀!! thx 放工即過唻幫手!!

後來加入仲有d 唔肯見樣o既學生… 阿航, 小丸子&麥子~ haha… 狂講"棟篤笑"

仲有後來加入o既Alan 細佬 & 阿bow~
一個鐘一個鐘咁過, d 碟好似入極都仲有…

第一個step: 先張CD 同內文入好, 再摺好封套
第二個step: 入CD 膠套
第三個step: 執拾垃圾… 點算數目…

第一版都係人手入架… (因為如果比人入就趕唔切, 今次… 一樣啦.. haha!!)
不過o個時就少d 人幫手, 同埋數目無咁多…
今次多左碟, 多左幾對手, 多左d 笑話聽… 多謝你地每一位呀!!

9 對手, 四個鐘做好晒!! 比想像中快好多呢~~
不過見到佢地都做到木無表情, 機械化左… @_@ 點都好, 唔該晒大家!!

最後, 簽返隻碟送比唻幫手o既人.. & 請大家去打邊爐~~ : )

正式開始有得賣啦!! 售價 88 HKD!
全新包裝, 第二版比第一版o既內容更豐富! 有新加o既單曲 3 首 + 新o既配樂~!!
23/4/09 – 26/4/09 起去舞台劇 “再見不再見"上演會場門外買啦~
或者上 www.milkshakemusic.com.hk / email 比我地買啦 (milkshakemusic@gmail.com)~ (網上買免本地郵費)

雖然好想再講多d, 但又唔想o係度透露太多內容! -_-
今日收到d 碟, 聽到d 歌, 仲有睇到友人留比我o既message..

I feel so sweet! thxxxx****
janet